Fondation de la ville de Québec en 1608
Mercredi le 13 novembre 2002
Texte écrit en français d'époque.
Ie party de Tadoussac le dernier du mois [30 juin 1608] pour aller à Quebecq... Toute cette coste, tant du Nord que du Su, depuis Tadoussac iusques à l'isle d'Orleans, est terre montueuse & fort mauuaise, où il n'y a que des pins, sappins, & boulleaux, & des rochers tres-mauuais, où on ne sçauroit aller en la plus part des endroits... [L'Ile d'Orléans] est le commencement du beau & bon pays de la grande riuiere [fleuve Saint-Laurent]...
De l'isle d'Orleans jusques à Quebecq, y a vne lieue, & y arriuay le 3. Iuillet: où estant, ie cherchay lieu propre pour nostre habitation, mais ie n'en peu trouuer de plus commode, ny mieux situé que la pointe de Quebecq, ainsi appellé des sauuages, laquelle estoit remplie de noyers. Aussitost i'emproiay vne partie de nos ouuriers à les abbatre pour y faire nostre habitation, l'autre a scier des aix, l'autre fouiller la caue & faire des fossez: & l'autre à aller querir nos commoditez à Tadoussac auec la barque. La premiere chose que nous fismes fut le magazin pour mettre nos viures à couuert, qui fut promptement fait par la diligence d'vn chacun, & le soin que i'en eu.
Quelques iours aprés que ie fus audit Quebecq, il y eut vn serrurier qui conspira contre le seruice du Roy; qui estoit m'ayant falt mourir, & s'estant rendu maistre de nostre fort, le mettre entre les mains des Basques ou Espagnols, qui estoient pour lors à Tadoussac, où vaisseaux ne peuuent passer plus outre pour n'auoir la cognoissance du passage ny des bancs & rochers qu'il y a en chemin.
Pour executer son malheureux dessin, sur l'esperance d'ainsi faire sa fortune, il suborna quatre de ceux qu'il croyoit estre des plus mauuais garçons, leur faisant entendre mille faulcetez & esperances d'acquerir du bien...
[Mis au courant du complot, Champlain conduit à Tadoussac les conjurés et les confie à Pont-Gravé; ce dernier les ramène peu après à Québec, où l'on instruit leur procès.] Après que le Pont[-Gravé] & moy, auec le Capitaine du vaisseau, le Chirurgien [Bonnerme], maistre, contre maistre, & autres mariniers eusmes ouy leurs depositions & confrontations, Nous aduisames que ce seroit assez de faire mourir le dit du Val, comme le motif de l'entreprinse, & aussi pour seruir d'exemple à ceux qui restoient, de se comporter sagement à l'aduenir en leur deuoir, & afin que les Espagnols & Basques qui estoient en quantité au pays n'en fissent trophée: & les trois autres condamnez d'estre pendus, & cependant les remmener en France entre les mains du sieur de Mons, pour leur estre fait plus ample iustice, selon qu'il aduiseroit, auec toutes les informations, & la sentence, tant dudict Iean du Val qui fut pendu & estranglé audit Quebecq, & sa teste mise au bout d'vne pique pour estre plantée au lieu le plus eminent de nostre fort & les autres trois renuoyez en France.
Après que toutes ces choses furent passées le Pont partit de Quebecq le 18. Septembre pour s'en retourner en France auec les trois prisonniers. Depuis qu'ils furent hors tout le reste se comporta sagement en son deuoir.
Ie fis continuer nostre logement, qui estoit de trois corps de logis à deux estages. Chacun contenoit trois thoises de long & deux & demie de large. Le magazin six & trois de large, auec vne belle caue de six pieds de haut. Tout autour de nos logemens ie fis faire vne galerie par dehors au second estage, qui estoit fort commode, auec des fossés de 15. pieds de large & six de profond: & au dehors des fossés, ie fis plusieurs pointes d'esperons qui enfermoient vne partie du logement, là où nous mismes nos pieces de canon: & deuant le bastiment y a vne place de quatre thoises de large, & six ou sept de long, qui donne sur le bort de la riuiere. Autour du logement y a des iardins qui sont tres-bons, & vne place de costé de Septemptrion qui a quelque cent ou six vingts pas de long, 50. ou 60. de large.
De l'isle d'Orleans jusques à Quebecq, y a vne lieue, & y arriuay le 3. Iuillet: où estant, ie cherchay lieu propre pour nostre habitation, mais ie n'en peu trouuer de plus commode, ny mieux situé que la pointe de Quebecq, ainsi appellé des sauuages, laquelle estoit remplie de noyers. Aussitost i'emproiay vne partie de nos ouuriers à les abbatre pour y faire nostre habitation, l'autre a scier des aix, l'autre fouiller la caue & faire des fossez: & l'autre à aller querir nos commoditez à Tadoussac auec la barque. La premiere chose que nous fismes fut le magazin pour mettre nos viures à couuert, qui fut promptement fait par la diligence d'vn chacun, & le soin que i'en eu.
Quelques iours aprés que ie fus audit Quebecq, il y eut vn serrurier qui conspira contre le seruice du Roy; qui estoit m'ayant falt mourir, & s'estant rendu maistre de nostre fort, le mettre entre les mains des Basques ou Espagnols, qui estoient pour lors à Tadoussac, où vaisseaux ne peuuent passer plus outre pour n'auoir la cognoissance du passage ny des bancs & rochers qu'il y a en chemin.
Pour executer son malheureux dessin, sur l'esperance d'ainsi faire sa fortune, il suborna quatre de ceux qu'il croyoit estre des plus mauuais garçons, leur faisant entendre mille faulcetez & esperances d'acquerir du bien...
[Mis au courant du complot, Champlain conduit à Tadoussac les conjurés et les confie à Pont-Gravé; ce dernier les ramène peu après à Québec, où l'on instruit leur procès.] Après que le Pont[-Gravé] & moy, auec le Capitaine du vaisseau, le Chirurgien [Bonnerme], maistre, contre maistre, & autres mariniers eusmes ouy leurs depositions & confrontations, Nous aduisames que ce seroit assez de faire mourir le dit du Val, comme le motif de l'entreprinse, & aussi pour seruir d'exemple à ceux qui restoient, de se comporter sagement à l'aduenir en leur deuoir, & afin que les Espagnols & Basques qui estoient en quantité au pays n'en fissent trophée: & les trois autres condamnez d'estre pendus, & cependant les remmener en France entre les mains du sieur de Mons, pour leur estre fait plus ample iustice, selon qu'il aduiseroit, auec toutes les informations, & la sentence, tant dudict Iean du Val qui fut pendu & estranglé audit Quebecq, & sa teste mise au bout d'vne pique pour estre plantée au lieu le plus eminent de nostre fort & les autres trois renuoyez en France.
Après que toutes ces choses furent passées le Pont partit de Quebecq le 18. Septembre pour s'en retourner en France auec les trois prisonniers. Depuis qu'ils furent hors tout le reste se comporta sagement en son deuoir.
Ie fis continuer nostre logement, qui estoit de trois corps de logis à deux estages. Chacun contenoit trois thoises de long & deux & demie de large. Le magazin six & trois de large, auec vne belle caue de six pieds de haut. Tout autour de nos logemens ie fis faire vne galerie par dehors au second estage, qui estoit fort commode, auec des fossés de 15. pieds de large & six de profond: & au dehors des fossés, ie fis plusieurs pointes d'esperons qui enfermoient vne partie du logement, là où nous mismes nos pieces de canon: & deuant le bastiment y a vne place de quatre thoises de large, & six ou sept de long, qui donne sur le bort de la riuiere. Autour du logement y a des iardins qui sont tres-bons, & vne place de costé de Septemptrion qui a quelque cent ou six vingts pas de long, 50. ou 60. de large.